هو لو اخوك انضرب لحد أما مات .. ومات في بيتك كمان .. وأبوك مردش .. هتعمل إيه؟ طيب لو ابوك قام رايح عند اللي قتلوا اخوك وحماهم .. هيبقى رد فعلك إيه؟
طيب هو من المسؤول عن الأمن في البلد .. الشعب فقط؟ طيب هو من أهم .. إنك تضرب في كل بلطجي .. ولا إنك تمنع البلطجة أصلا؟!
من اللي قال إن المسئولين عن الأمن ميبقوش سياسيين ومثقفين يقدروا يمسكوا بـزمام الأمور من غيرعنف ؟
في مصلحة من كمية الشغب دي يوم الجمعة 9/9/2011 ؟ واشمعنى الجمعة دي بالتحديد اللي المجلس قال فيها على الشعب حماية نفسه؟ هو من بيحمي من .. ولو نسوان الشرطة خايفين ينزلوا .. أكيد متحملش الشعب مسئولية الحماية
طيب اعلنوا حالة الطوارئ في البلد .. والشرطة نازلة بـكامل طاقتها .. يعني كمان بيتحجج لنزول الشرطة.. ماده الطبيعي أصلا .. طب ليه في لجان شعبية في شارع ثروت .. ميدان نهضة مصر .. كوبري الجامعة؟!!
طيب هو ليه ماحدش علق على عنف الجيش والشرطة في التحرير في أول يوم رمضان؟
طيب هو ليه ماحدش عارف الإنتخابات امتى ؟
طيب هو مش فات أكتر من 6 شهور على الثورة؟ طب فين السلطة المدنية اللي وعد بيها الجيش؟
هو ليه كل ماتحصل مصيبة تلاقي بعديها حدث مهم؟ يعني شغب 9/9/2011 كان قبل شهادة المشير!
طيب أحب أنا افترض حسن النية (اللي متنفعش في السياسة) .. والجيش مش قاصد و مش مدبر أي حاجة .. طيب ابدا اتكلم .. شوف الشارع متضايق من إيه واتكلم! هدي الشارع والرأي العام .. لكن ليه سايب الناس تغضب للمرحلة دي؟!
بلاش إنت .. طلع رئيس الوزارء .. أنا عارف إنك مش فاضي طبعا .. طلع متحدث رسمي!
طيب كل ده غلط .. وناس قررت تدي وقت للمجلس.. وقت على إيه؟ هو قرر يعمل حاجة أصلا عشان نديله عليها وقت؟ تلاقي ناس بتقول عشان ينقل السلطة.. أيوه ماهو ده اللي بتكلم فيه .. امتى أصلا؟
طيب حصل موقف مع دولة تانية .. ايا كانت الدولة .. طب مش قدها .. طلع وزير خارجية يندد .. يشجب .. يعترض حتى .. مش ساكت كده اخرس
حد عارف إيه اللي حصل للمعتمرين المصريين؟ سمعت أكتر من مليون رأي وأكتر وشهادات مختلفة!
طيب قالوا دي حكومة تسيير اعمال .. ماشي كلام معقول .. مش مشكلة .. طيب ماهي الأزمات الخارجية دي من ضمن الاعمال!
الفيديو اللي جي ده بيعبر عن مشهد من التاريخ سنة 1952 قبل الثورة.. وقارن بينه وبين مواقف مبارك .. ومواقف الجيش ومواقف فيلم "V for Vendetta" !
No comments:
Post a Comment